«قورعاس» شەكارا ماڭى ىنتىماقتاستىعى حالىقارالىق ورتالىعى جاقىندا جۇمىسىن باستايدى. بۇل تۋرالى جەتىسۋ وبلىسىنىڭ الەۋمەتتىك-ەكونوميكالىق دامۋ ماسەلەلەرى تۋرالى جيىندا بەلگىلى بولدى, دەپ حابارلايدى Egemen.kz.
جيىندا ۇكىمەت باسشىسى ءاليحان سمايىلوۆ پاندەميا باستالعاننان بەرى «قورعاستىڭ» جۇمىسى توقتاپ تۇرعانىن ءسوز ەتتى. ونىڭ ايتۋىنشا, قازىر قىتاي تاراپىمەن ورتالىقتى اشۋ تۋرالى كەلىسىمگە قول جەتكىزىلگەن. جاقىن ارادا «قورعاس» وز جۇمىسىن باستاۋعا ءتيىس.
«دايىندىق جۇمىستارىن جەدەلدەتىپ, ورتالىق قىزمەتىنە تارتىلعان بارلىق قۇرىلىمداردىڭ ءوزارا ءىس-قيمىلىن قامتاماسىز ەتۋ كەرەك», دەدى اليحان سمايىلوۆ.
ەسكە سالا كەتەيىك, كەشە پرەمەر-مينيستر ءاليحان سمايىلوۆ جۇمىس ساپارىمەن جەتىسۋ وبلىسىنا باردى.